بين السنين وبين عين الشقا بين
لوني دريت بحالته ما درابي
ضايق وأدور في عيون البشر عين
تفهم معاناتي وتقرا كتابي
في طيحتي كثرت علي السكاكين
باع الزمن في طيحتي واشترا بي
يا صاحبي ما للمفارق عناوين
هذا عذابي كان همك عذابي
في غيبتي نامت عيون المساكين
مدري سريت الجرح والا سرابي
في غيبتي قلبت جميع الموازين
حتى ثيابي كنها مو ثيابي
في غيبتي راحت عيونك على وين
ياللي خذيت من الغلا كل مابي
ما أنت هذاك اللي أعرفه من سنين
بذمتك!!من هو عرفته بغيابي؟!
ليست هناك تعليقات:
إرسال تعليق