أشيل الود وأهديهم بكفي
وأعوّد منهم صفر الأيادي
حداهم لا جرحني ما نهرته
يجيني يعتذر وأقول عادي
وإلى منه غشاني ما غشاني
أهوجس فيك يا ثالث عيادي
يا محلا شوفتك يا قبلة الله
تغيبني وتفقدني رشادي
اسلي خاطري في ذكرياتك
وأحفظك مثل حفظي للمبادي
سحابة شوفتك شحت مطرها
عنادك يمطر ويروي عنادي
بقى لك داخلي عشره قديمه
وأنا من شانها للحين هادي
أنادي لك تغانم ما بقى لك
(ولكن لا حياة لمن تنادي).
ليست هناك تعليقات:
إرسال تعليق