أنا تعبان.. ما فيني عتاب الآن
أنا ما احتاج لا واصل ولا جافي
أبي لي شي ما يطري على الأذهان
أبي لي حرف يرسم فكري الصافي
أبي أجمل من الصحة على المرضان
وأبي أكثر من طيوفه وأنا غافي
وأنا يا ليلي المملي من الخذلان
تعبت أحدث الخافي عن الخافي
مصيبه لا حسبت إن الدوا كتمان
وأنا لولا دواه أعيش متعافي
كثير أشياء في بالي تمر أحيان
كذا من حزنها تتنمل أطرافي
هدوء ينثر الذكرى على البيبان
ضياع تطبطب ايدينه على اكتافي
حملت من الألم قبر وكفن قيقان
وبحر(ن) ذاب من غبّته مجدافي
ألم: كتف لعمى شايل كثير ألون
يشيل النور لكن هالنظر طافي
وألم مسكين ويسولف على يتمان
عن البردان في حضن أمه الدافي
ليست هناك تعليقات:
إرسال تعليق