انا اسف أنا أدري انا احبك أنا ما اقدر
سوى اني اكون اليا نفاك البحر شطانك
انا حتى الصبر لو فاض بيّه الصبر ارد اصبر
وانت شلون مالت بك عزومك والصبر خانك
مابين المعضله والهم وغض الشوف والخنجر
رضيت اني اكونك او اكون بصمت اوطانك
تمنيت الهلاك ان كان ورى ذا طيبتي تثمر
واموت مسامحك لا الوقت يصير في يوم ديّانك
حطمت الريح لجل ارضي غرورك واشتريك اكثر
شريتك ما حسبت حساب أحساني ونكرانك
لك الله ما زهمت الا رضاك وما وصلت لبر
حملتك والخطا اني حملتك بأجزل أحزانك
قصر حبل الحنان اللي يفلك والصبر اقصر
تعب قلبي ولابه قلب يواجه ريح عصيانك
نعم كنت الشجاع اللي هلكته بين كر وفر
عقب ما كنت ذاك اللي يشق صدور فرسانك
سلامي وان كثر لجلك كلامي فالسكوت استر
اروح وخافقي ابيض فلا خانك ولا صانك
وباكر لآ حداك الوقت ترد ايام وتتذكر
تذكرني مثل اي طير حط وفارق اغصانك
أنا آسف نعم وبلآ خجل اسف انا ما اقدر
ولا حتى اكون اليا نفاك البحر شطآنك
ليست هناك تعليقات:
إرسال تعليق