ساعديني يالحروف الأبجديَّه
ودِّي آفضفض شجوني بالقصايد
لو كتبتيني ترى ما هي خطيَّه
ولو لبستي من معاناتي قلايد
حققي لي مطلبي وإخذي هديَّه
وإعلني ما بيننا وسط الجرايد
ودِّي إحساسك معي دايم وفيَّه
وإثبتي بالصِّدق مابيها وعايد
نفسي آعدِّد لك هموم ٍ خفيَّه
وإن بغيتيها جمل وإلا فرايد
إبعدي بي عن متاهات البريَّه
ولا يضيق الصدر بأسباب النكايد
يا كثر ما أشوف بالدنيا أذيَّه
من كفوفٍ ضيَّعت سِلم وعوايد
عادة أضعوف النفوس أهل الدنيَّه
ذَمّ .. خلق الله ولا فيهم فوايد
دايم ٍ تسعىَ ورىَ إعلوم ٍ رديَّه
ميزةٍ تحظىَ بها وجيه البلايد
ولا نبي نوضِّح عناوين القضيَّه
خلها من دون عنوان وكايد
والله إلتضوي بروق ٍ عقربيَّه
من مزون ٍ حمَّلت سحب ورعايد
وإستهلت به صواعق وبرديَّه
ومن سِمعها تَحْرمَه نوم الوسايد
ليست هناك تعليقات:
إرسال تعليق