لا تقومـنـي وأنـــا ضـلــع اعـوجــاج
ينكـسـر بايـديـك قلـبـي يــا غـشـيـم
الـرضـى محـتـاج لــه وقــت ومــزاج
وما هقيتك طمـس بطبـاع الحريـم
خالـفـك قلـبـي عـلـى الغلـطـه وراج
روجــة الـزهـرة عـلـى كــف النـسـيـم
مــن كـسـر قلـبـي تشـربـه الهـمـاج
ومن جبر كسـري فأنـا قلبـي كريـم
يشـرب الدنيـا مــن ايديـنـي ثـجـاج
وتـصـبــح لـقـلـبـه مــلــذات ونـعــيــم
ومن قصد جرحي زما بحري وهاج
يغـرق بموجـي ولـو بـاسـه عظـيـم
الله مـن دنيــا لـدنيـا رمتـنـي
دنيـا معاليـق الفـوؤاد احـرقتـها
أمشـي لهـا طـوعٍ ولا طاوعتنـي
صبرت مانـي عـارفٍ شاخرتـها
لا قلت أبرفع مستـواي اخفضتنـي
وليا صفـت لـي ساعـةٍ كدرتـها
ودي أصارحـها ولا صـارحتنـى
ألـم شـوفـاتـي وهـي فـرقتـها
من عقـب مانـي صامـدٍ بهذلتنـي
وكل الرمـوز الخافيـات اعرفتـها
يـاقـل حيـاتـي بهـا وامحتنـي
واعـذاري اللـي تنطـق شتّـتـها
ما هي بعيـد متنـها حـول متنـي
لو نهتتي باقصى حشـاي اسمعتـها
تصيبنـي غشــوات لا قـابلتنـي
وإن دنّقـت بقـذيلتـن وافهقتــها
الله اكـبـر كـنـها مـالكـتـنـي
تفـرنـي كفـرهـا لمنظـرتــها
أو خـاتـم فـي اصبعـها لاعبتنـي
أن مـت تتحمـل خطـاي ارقبتـها
لا اشتـد غيظـي يمـها حـايلتنـي
وكـل الـدمـوع الاولات امسحتـها
بلعـون فـايقـة الجمـال اخلجتنـي
واعمـري اللي ضـاع على بختـها
صاحبي لو طال وقتى مـا نسيتـه
من يقول أنسى حبيب مـا نسانـي
صار لي أكثر من شهر ما عاد جيته
والبطى والبعد ما من فيـه امانـى
ما هقيت انـا نتفـرق مـا هقيتـه
أولا هقيت أنـه يغيرنـا الزمانـى
اتذكـر سـاعـة فيـهـا لقيـتـه
.وأتذكر بـرد مـاه اللـى عطانـى
واتذكـر وقفتـي بشبـاك بيـتـه
خاطرى ما طاب من ذاك المكانـى
عفت زين البيض جمله مـا بغيتـه
مـا بقلبـي غيـر ذاك المودمـان
لـو يقربـه البكـاء والله بكيـتـه
من خبر حي بكى لـه حـي ثانـى
ليت كلمـة ليـت تنفعنـي ياليتـه
عاذلـى مـن أولـه ليتـه نهانـى
حملوني عـداى ذنـب مـا جنيتـه
وقولوني قـول مـا قالـه لسانـى
والكـلام اللـي اموجهلـي نفيتـه
ماعلينا مـن فـلان ومـن فلانـى
يا عين هلي صافي الدمع هليه
واليا انتهى صافيه هاتي سريبه
يا عين شوفي زرع خلك وراعيه
شوفي معاويده وشوفي قليبه
من أول دايم لرايه نماليه
واليوم جيتّهم علينا صعيـبه
وان مرني بالدرب ما اقدر احاكيه
مصيبة يا كبرها من مصيبة
اللي يبينا عيت النفس تـبغيه
واللي نبي عيا البخت لا يجيبه
